فى عيد الام

اللي معهوش فلوس يجيب بيها هدية             فى عيد الام  

وعايز يثبت أمه و (يضحك عليها) 
يوم البتاع اللي بيقولوا عليه عيد الأم ده
يحفظ (البقين) دووول ويسمعهم لها
زي ما أنا عملت السنة اللي فاتت .... ونصيحة ..... خلي بينك وبين أمك مسافة لا تقل عن خمسة متر ويا حبذا لو تاخد ساتر وانت بتقولها القصيدة .....
وربنا يسترها معاكم بقي ...... هههههههههههههههههه
…………………… .……

بصي يا أما
النهارده مش هقولك عيد سعيد

أيوا يا أما

أيوا بالذات النهارده ......
مش هقولك عيد سعيد

مش هقولها وعندى عذرى .....
لما هشرح قصدى ليكى ....
راح يكون مفهوم أكيد

عارفة ليه مش راح أقولها ؟!
مش عشان القلب قاسى .....
أو مشاعرى من حديد

أو بخيل يا أما بهدية .....
تورتة حلوة وشال جديد

مش عشان مامعِيش أجيبلك ......
أو تقولي قُصْر إيد

عارفةليه مش عايزاقولها ف يوم محدد؟!
اصل عمرى كله ليكى ......
اللى عدا واللى لسه ......
ياللي ساكنة ف الوريد

يوم لوحده مش كفاية ......
وكل لحظة وإنتى جنبي يا أما عيد
وكل لحظة وانتي جنبي يا أما عيد

أمي بصت جوا عيني.....
وشالت الشبشب وقالت :
( روح يا واد يا ابن اللئيمة انصب بعييد )

ههههههههههههههههه
الشاعر الكبير/ياسر الشرنوبى